O Concurso X Talento Challenge é unha iniciativa de Fundación ONCE que impulsa o emprendemento social e a innovación entre mozos e mozas con e sen discapacidade. En equipos inclusivos, as persoas participantes identifican un reto dentro da súa contorna e desenvolven unha proposta con impacto social positivo, co acompañamento de profesionais e persoas expertas durante todo o proceso.
Converte unha idea nun proxecto con impacto real.
Colabora con mozos e mozas con e sen discapacidade para xerar solucións máis innovadoras.
Desenvolve competencias, recibe mentoring e presenta o teu proxecto perante un xurado profesional.
O concurso desenvólvese en dúas fases que permiten transformar unha idea inicial nun proxecto de impacto social, co acompañamento de profesionais durante todo o percorrido.
Os equipos identifican un reto da súa contorna e presentan unha primeira idea de proxecto a través dun modelo de Canvas, apoiándose en materiais didácticos e recursos deseñados para facilitar esta primeira fase.
Os 25 equipos seleccionados desenvolven o seu Plan de Proxecto co acompañamento de profesionais de empresas colaboradoras e o apoio de materiais específicos para cada etapa do proceso.
Período de avaliación das propostas recibidas para coñecer as mellores ideas finalistas.
Os cinco equipos finalistas participan nun encontro presencial en Madrid con actividades exclusivas, presentan o seu proxecto perante un xurado profesional e descobren en directo o veredicto do Concurso X Talento Challenge.
Ademais, durante todo o concurso, os equipos contarán con recursos e apoio para facilitar o desenvolvemento do seu proxecto:
Guías, exemplos e recursos adaptados a cada fase do concurso.
Algúns contidos estarán dispoñíbeis en lectura fácil para facilitar a comprensión cando sexa necesario.
Os equipos poderán solicitar titorías en liña coa asesora pedagóxica do concurso.
O Concurso X Talento Challenge está dirixido a mozos e mozas de 14 a 21 anos que queiran transformar unha idea nun proxecto con impacto social positivo. A participación realízase en equipos inclusivos, acompañados durante todo o concurso por unha ou dúas persoas titoras, que serán responsábeis da inscrición e do seguimento do proxecto.
| TOTAL INTEGRANTES EQUIPO |
Mínimo de integrantes SEN discapacidade |
Mínimo de integrantes CON discapacidade |
|---|---|---|
| 5-6 | 1 | 1 |
| 7-10 | 2 | 2 |
A Fundación ONCE resérvase o dereito de solicitar a comprobación documental mediante a entrega dos certificados oficiais de discapacidade das persoas integrantes que declaren esta condición.
ESO, Bacharelato, Formación Profesional, Educación Especial e outras modalidades educativas.
Asociacións, fundacións e organizacións que traballen con persoas mozas con e sen discapacidade.
Un dos grandes valores do Concurso X Talento Challenge é o acompañamento de profesionais de empresas colaboradoras que axudan os equipos a converter as súas ideas en proxectos viábeis.
Persoas mentoras especializadas - Profesionais con experiencia acompañan os equipos durante a Fase 2.
Acompañamento personalizado - Cada equipo recibe orientación para desenvolver e mellorar o seu proxecto.
Dos 25 equipos que desenvolvan o seu proxecto, o Xurado seleccionará 2 equipos gañadores, cada un dos cales recibirá 5000 € netos para poñer en marcha o seu proxecto.
As persoas integrantes de cada equipo gañador recibirán unha tarxeta de agasallo por valor de 100€.
As persoas titoras responsábeis dos equipos gañadores recibirán unha tableta pola súa implicación e polo seu apoio ás persoas participantes.
Mencións especiais para 3 dos equipos finalistas, que recibirán tarxetas de agasallo por valor de 50 € para as persoas integrantes e un bono para gozar nos hoteis ILUNION para as persoas titoras responsábeis.
Revive algúns dos mellores momentos do Concurso X Talento Challenge a través de imaxes das distintas edicións.
Docentes, participantes e mentores/as comparten como foi a súa experiencia no Concurso X Talento Challenge e que supuxo formar parte desta iniciativa.
Tanto para os alumnos como para min foi un recoñecemento moi especial, porque sentimos que pon en valor non só unha idea tecnolóxica, senón tamén unha forma de entender a innovación como unha ferramenta para axudar aos demais e para facer que o deporte sexa un pouco máis accesíbel, seguro e inclusivo para todos.
Alén de que algunhas ideas xa existan, todas as iniciativas achegan valor á súa contorna máis próxima e poñen en xogo aspectos tan importantes como a creatividade, o traballo en equipo, a organización e o espírito emprendedor na mocidade, algo que merece un recoñecemento especial.
Para min, participar en X Talento Challenge marcou un antes e un despois na miña forma de entender a actitude emprendedora e o traballo colaborativo, sobre todo enfocado en crear solucións que melloren a nosa contorna e a sociedade. Actualmente sigo cursando os meus estudos de Grao e podo dicir que o concurso foi unha experiencia que nunca esquecerei.
Apostamos polo emprendemento social para formar alumnos competentes, conscientes, compasivos e comprometidos. X Talento Challenge ofrécenos recursos e mentorías clave para formar intraemprendedores e, sobre todo, un espazo de inclusión real onde os nosos alumnos con diversidade funcional participan en igualdade.
Tres edicións, tres proxectos, tres leccións de vida. Ser mentora do X Talento Challenge con DXC permitiume acompañar a Tech Up Down, do cole de Cáceres, ata a súa mención especial; celebrar a vitoria de Inclustyle, o proxecto de moda inclusiva do cole de Cuenca; e embarcarme agora, en 2026, na aventura de Cabezudos Inclusivos xunto á asociación de Zaragoza. Poucas experiencias conseguen facer crecer tanto a unha persoa en tan pouco tempo: en coñecemento sobre discapacidade, en logopedia e en visión de negocio. E se tivese que resumir a gala final do hub de X Talento, non tería dúbida: pura emoción, talento e orgullo.Algo incríbel.